edicions-espontaneas.com

Toni García+Yolanda Somoza arquitectos

edicions — Sat, 10 Dec 2011 10:46:30 +0000

O 28 de Outubro participamos no quinto Pecha Kucha Night celebrado en Ferrol. Neste video poderás ver a presentación, con parte dos últimos proxectos de arquitectura e urbanismo do noso estudio de arquitectura. Nela propuxemos unha reflexión sobre a transformación das cidades e do territorio sobre o que se estenden ilimitadamente. Usando unha secuencia de proxectos dende a rexeneración urbana á rehabilitación medioambiental, podese apreciar como rexenerando, reutilizando, reequilibrando, aproveitando os recursos que temos, e contendo o crecemento, podemos prantexar outro modelo de desenrolo distinto e máis sostenible.

Toni García + Yolanda Somoza arquitectos. Pecha kucha Ferrol Vol. V from edicions espontaneas on Vimeo.

Pecha Kucha Night é un encontro presente en máis de 200 cidades de todo o mundo, creado en Tokio coa idea de amosar o traballo dos novos creativos, e que de xeito informal permite intercambiar ideas sobre arquitectura, deseño, fotografía, ilustración, cine, danza ou calquera tipo de investigación artística ou científica.

Damoslle as grazas a Santi por ternos invitado, pola dedicación que il e os seus colaboradors poñen na organización, e polo compromiso para realizar eventos coma este, que axudan a crear opinión e intercambiar información.

O video con todalas intervencions do Pecha Kucha Ferrol, vol.5 podes velo na web de Santi González www.stgo.es.

DIALOGOS01.¿Como mellorar a capacidade investigadora?

edicions — Mon, 31 Oct 2011 20:18:24 +0000

http://01dialogos.blogspot.com/

Qué é investigar? Qué é un investigador? En qué nos afecta a investigación? from edicions espontaneas on Vimeo.

“Hoxe a civilización aparece cada vez máis involucrada nunha infinita concatenación de medios e fins no interior da cal, a finalidade converteuse no contido do motivo, e a utilidade elevada a significado xenera a falla de significado”.

“The Human Condition”, Hannah Arendt.

Estas palabras que Arendt escribe no 1958 serven hoxe para ilustrar unha das teimas da nosa sociedade, a valoración dos resultados por riba dos motivos e as necesidades que os fan útiles. Atopámonos cada día coa obriga de conseguir un obxectivo, moitas veces sen valorar o esforzo necesario para obtelo, ou sen reflexionar sobre a ganancia que obtemos tentando realizar ese cometido. Esta desmesura sen paciencia deixa pouco espazo á crítica, á reflexión sobre o significado dos nosos actos, e á valoración dos erros que cometemos.

Faise necesario procurar espazos de debate e reflexión no medio da velocidade coa que acontecen as decisións que transforman os nosos xeitos de vida. Converter nun hábito a reflexión sobre calquera decisión é unha boa costume, obrigarnos a cuestionar as decisións, comparalas con outras, aportar alternativas e novos puntos de vista, é a mellor forma de melloralas e ser construtivos.

Con esta intención o colectivo de bolseiros da Fundación Barrié de la Maza decidimos abrir un espazo de debate ao que chamamos “Diálogos”, que procura ofrecer un punto de encontro para a reflexión sobre temas de interese social, co obxectivo de crear opinión e transmitir parte da experiencia adquirida na nosa formación no estranxeiro, propiciando o intercambio de ideas, e a reunión de persoas de distintas disciplinas cos axentes que están a tomar decisións sobre cuestións que afectan á nosa sociedade.

“Diálogos 01” celebrouse o pasado 27 de Novembro 2010 na sede da Fundación Barrié na Coruña, a mellora da capacidade investigadora en Galicia foi o tema escollido para este primeiro debate pola súa importancia para o noso futuro desenrolo, pola precaria situación dos investigadores e a falla de coñecemento que a nosa sociedade ten sobre o valor da investigación. Podedes ver os vídeos do debate na web http://vimeo.com/17862404

DIALOGOS01. Presentación from asociacionTV on Vimeo.

Os vídeos que agora públicamos son da presentación do 27 de Setembro 2011, do número 190 da Revista GRIAL adicado a DIALOGOS01, coas conclusións do debate e do traballo previo dos cinco grupos que trataron áreas relacionadas coa investigación científica, a innovación e o emprendimento en Galicia.

Revista GRIAL. Presentacion 1 AnaJ Varela from asociacionTV on Vimeo.

Revista GRIAL. Presentación 2 Victor Freixanes from asociacionTV on Vimeo.

Revista GRIAL. Presentación 3 Toni García from asociacionTV on Vimeo.

Revista GRIAL. Presentación 4 Begoña Graña from asociacionTV on Vimeo.

Revista GRIAL. Presentación 5 COLOQUIO from asociacionTV on Vimeo.

RVR. Centro Interpretacion Arte Rupestre

edicions — Sun, 17 Jul 2011 14:58:41 +0000

A semana pasada inaugurábase o Centro de Interpretación da Arte Rupestre de Campo Lameiro en Pontevedra. Publicamos aquí a visita que realizamos en Maio cos nosos alumnos como parte do desenvolvemento tecnolóxico do taller de proxectos de 4º curso, na que nos acompañaron dous dos autores do proxecto, Marcial Rodríguez e Jose Valladares, integrantes de RVR arquitectos. Aos que agradecemos a súa amabilidade para guiarnos entre os gravados rupestres para explicarnos as ideas que xeran o seu proxecto, as solucións construtivas que as acompañan e a relación entre a función do edificio e a posta en valor do patrimonio rupestre, coa rexeneración ambiental do ámbito dos petroglifos.

Centro de interpretacion de Campo Lameiro (exterior). RVR arquitectos from edicions espontaneas on Vimeo.

Centro de interpretacion Campo Lameiro (interior). RVR arquitectos from edicions espontaneas on Vimeo.

Enrique Rodríguez. Centro de Saúde en Cotobade

edicions — Sun, 12 Jun 2011 21:40:18 +0000

Durante o mes de Maio estendemos a análise do desenvolvemento tecnolóxico do taller de proxectos con visitas comentadas por arquitectos ás súas obras. Cada visita foi escollida polo interese da súa concepción arquitectónica e a busca de solucións espaciais a través do rigor construtivo. Neste caso presentamos a visita realizada ao Centro de Saúde de Cotobade (Pontevedra) con Enrique Rodríguez, arquitecto e profesor de construción da ETSAC, ao que temos qua agradecer a súa paciencia para explicar con detalle as solucións construtivas que xeran o seu proxecto, os problemas aos que se enfrontou e as transformacións da obra dende o 2007, ano da súa conclusión.

CHILE. Planificación post Terremoto

edicions — Sat, 14 May 2011 20:55:46 +0000

Presentamos a conferencia do arquitecto Carlos Muñoz na que se detalla a intervención realizada despois do terremoto de 2010 na Comuna de Peralillo sita no val de Colchagua (rexión de O´Higgins). As ensinanzas que se recollen deste exemplo amósanos como a axuda social prestada nun primeiro momento por técnicos e estudantes da Universidad de Santiago de Chile convertese nun exercicio de oportunidade, primeiro como práctica educativa na que se involucra á poboación, e despois como exercicio profesional a traverso dun plan de mellora da comunidade afectada polo terremoto.

Desastres naturais como os que agora afectan a Xapón, e estes dias á vila de Lorca, ofrécenos a visión da fraxilidade coa que nos asentamos no territorio, axúdanos a medir o nivel de previsión dun país, o grado de control das normativas existentes e dás actividades que alteran o medioambiente, e os mecanismos de resposta social e gobernamental para afrontar as consecuencias posteriores ao desastre. No caso chileno é interesante observar como a falla de previsión do goberno foi suplida pola axuda social, e como a iniciativa popular activou políticas estatais para a recuperación contando coa participación da poboación.

1. PRESENTACIÓN (solo voz)

CHILE. Planificación post terremoto 1-Presentación from edicions espontaneas on Vimeo.

2. CONTEXTO

CHILE. Planificación post terremoto 2-Contexto from edicions espontaneas on Vimeo.

3. AXUDA SOCIAL

CHILE. Planificación post terremoto 3-Ayuda social from edicions espontaneas on Vimeo.

4. PROPOSTAS

CHILE. Planificación post terremoto 4-Propuestas from edicions espontaneas on Vimeo.

5. PLAN MAESTRO

CHILE. Planificación post terremoto 5-Plan Maestro from edicions espontaneas on Vimeo.

6. PREGUNTAS

CHILE. Planificación post terremoto 6-Preguntas from edicions espontaneas on Vimeo.

OPINA 7. Carlos Muñoz Parra

edicions — Fri, 06 May 2011 22:55:17 +0000

Entrevista con Carlos Muñoz Parra, profesor na “Escuela de Arquitectura de la Universidad de Santiago de Chile” e “Director Regional del Servicio de Vivienda y Urbanización”; que nos ofrece a súa opinión sobre a concepción do habitar como espazo cotiá, a incidencia da arquitectura na construción do hábitat, a participación cidadá na toma de decisons da planificación urbana, o deseño do territorio a partires da perspectiva do habitante, os parámetros para xerar participación cidadá, a planificación e os sistemas de produción, a sociedade e o uso do territorio en España, a conciencia colectiva e a falta dela, os hábitos sociais, a sosteniblidade, e a dicotomía entre economía e medioambente en Chile…

Agradecer a Carlos a súa visita a Galicia, as conversas sobor da transformación do noso habitat e dos espazos que construímos, e a conferencia que en breve publicaremos nesta web sobre as oportunidades xeradas despois do terremoto en Chile, introducindo unha mellora da habitabilidade e unha planificación do territorio máis sostíbel.

OPINA 7. CARLOS MUÑOZ from edicions espontaneas on Vimeo.

Xosé Allegue. CORRUPCIÓN e URBANISMO

edicions — Sat, 19 Mar 2011 19:48:21 +0000

Conferencia do arquitecto e profesor Xosé Allegue, que o pasado 15 de Marzal falounos da complexa rede que actualmente conecta a corrupción co urbanismo.

Dende o punto de vista dos feitos urbanos, a construcción de cidades e territorios máis libres e habitables distingue ás sociedades que identificamos como avanzadas nos momentos históricos onde a conciencia cívica e o compromiso social se incorporaron nelas como impulsores da súa mellora social. Cando a sociedade é participe da transformación do lugar no que se desenrola é posíbel acadar un espazo de convivencia, se a construción da cidade e do territorio se deixa en mans duns poucos, e si estes usana para beneficio propio, o resultado é a desaparición da conciencia cívica e a destrución do tecido social, o que acaba por reflectirse no desorde territorial e na segregación urbana.

Falar hoxe da corrupción que arrodea aos procesos de construción do territorio é falar do fin do urbanismo, porque as regras que o lexitiman deixan de basearse na integración territorial e na mellora da habitabilidade. Por iso, reflexións coma esta de Xosé Allegue son importantes para achegarnos ás causas dos trocos que estamos a vivir, e escomezar a pensar en propostas de rexeneración democrática que devolvan as cidades aos cidadáns.

CONFERENCIA. PARTE 1

Presentación, Diagnóstico da situación e causas da corrupción.

CORRUPCION e URBANISMO. Conferencia-parte1 from edicions espontaneas on Vimeo.

CONFERENCIA. PARTE 2

Mecanismos de produción da corrupción, consecuencias e efectos. Estado da cuestión: breve casuística doméstica (a transformación urbana da Coruña).

CORRUPCION e URBANISMO. Conferencia-Parte2 from edicions espontaneas on Vimeo.

CONFERENCIA. PARTE 3

Propostas e conclusións para a mellora: urbanismo social e rexeneración democrática.

CORRUPCION e URBANISMO. Conferencia-Parte3 from edicions espontaneas on Vimeo.

SANAA. Apartamentos Okurayama

edicions — Sun, 02 Jan 2011 18:29:31 +0000

Na nosa recente visita ao Xapón fixemos parte da viaxe que en 1930 realizou Bruno Taut para escribir o seu libro “A casa e a vida xaponesa”, e se a viaxe nos levou a lugares que aínda explican espazos tradicionais como os que visitou, queriamos facernos a mesma pregunta que il fixo hai case 80 anos: Como é hoxe a casa xaponesa?, como habitan os xaponeses?. Descubrir se o que en Europa se publica como vivenda contemporánea conserva algún trazo tradicional, se responde realmente aos modelos residenciais máis comúns, ou simplemente forman parte de imaxes descontextualizadas fabricadas por e para a publicidade editorial.
O que nos encontramos nas nosas visitas a diferentes casas, en distintos contextos urbanos e rurais, é unha redución de espazo, unha mestura entre a necesidade que impón a extensa xornada laboral e a que achegan os costumes familiares, nas que perviven os espazos de relación e os cuartos sobre a base do tatami, e a compartimentación do baño cun espazo para espirse e outro de aseo. A pesar da redución do espazo residencial, nas grandes cidades aínda se manteñen espazos previos de entrada entre a rúa e o recibidor, e tránsitos entre o lugar de reunión familiar e os cuartos. Non son tan complexos nos seus xogos de sombras e alturas como os que aínda se encontran en vivendas tradicionais, pero conservan o tránsito entre diferentes privacidades.
Mesmo en novos apartamentos, como os Okurayama de SANNA, as regras entre o espazo privado do xardín e a rúa se manteñen disociadas, a pesar de ser o límite un bordo que visualmente non interrompe a visión do patio. Ao interior, os apartamentos responden á necesidade de reducir espazo nun contexto de alta densidade, gañando ventilación e luces, e aínda así realízanse os tránsitos entre as pezas adelgazando e ampliando a forma da casa. Nese contexto nin sequera a forma do bloque é estraña, a pesar do conxunto de vivendas a varias augas que o rodean cubertos con tella. A artificialidade deses barrios periféricos admite estes xogos de altas e baixas densidades nos que a fachada apenas se significa, porque a rúa ten unha dimensión mínima, sen beirarrúas nin outros espazos de relación.

Apartamentos Okurayama. SANAAfrom edicions espontaneason Vimeo.

En Europa sorprende o reducido do espazo habitacional das casas xaponesas e a combinación dos elementos do seu programa residencial, cando aquí estamos a falar de estender certos usos residenciais do bloque de vivendas fóra dos apartamentos, ou incluír os comportamentos das novas estruturas familiares, en Xapón esa busca expansiva é introvertida, causada por un contexto moi humanizado. Nas novas propostas de arquitectos como Sou Fujimoto, Kazuhiro Kojima, Shigeru Ban, ou estas de Kazuyo Sejima e Ryue Nishizawa (SANAA), a aparente complexidade da repartición de estanzas da casa disgregándo, estendéndo sobre a parcela, reducíndo ou combinándo para manexar a intimidade dos habitantes en espazos reducidos e múltiples, é o resultado da necesidade de apropiarse dun espazo en condicións moi limitadas de habitabilidade. Adelgázanse as paredes, ábrense grandes ocos ou elimínanse as portas para que pequenos cubículos gañen visualmente o espazo da rúa ou doutras partes da vivenda, ensanchando así a súa percepción. Cando se percorre en tren esas periferias extensas de baixa densidade, ou mesmo en pequenas vilas ou aldeas, un explícase a aparente normalidade deses proxectos, nacidos da necesidade dunha convivencia masiva.

CASA MORIYAMA. SANAA

CASA NUN HORTO DE AMEIXEIRAS. SANNA

Jørn Utzon. Visitando Bagsvaerd

edicions — Fri, 08 Oct 2010 22:10:23 +0000

A finais de Abril visitamos a capela que Jørn Utzon construiu en 1976 en Bagsvaerd, nos videos adxuntos podedes ver un percorrido dende a saída da estación de Bagsvaerd ata a capela e os seus espazos anexos.

Con aparencia de explotación agrícola, a parroquia e as súas dependencias ocupan unha parcela da zona de equipamentos nun suburbio aos arredores de Copenhague. Segundo contou o propio Utzon, os dous párrocos da vila presentáronselle dicindo que os habitantes de Bagsvaerd estiveran 25 anos aforrando para construír a súa igrexa.

O espazo principal e as dependencias están arodeados por un perímetro de circulacións de dobre altura que discorren de xeito ortogonal, cubertas en toda a súa extensión con lucernarios, de maneira que ao penetrar no recinto, antes de acceder á sala de culto, o exterior desaparece e o ceo se asoma sobre o formigón branco das paredes. Dous patios interiores organizan á súa arredor as dependencias. A sala principal está atravesada polas circulacións laterais, que botan luz sobre os costados. No centro, unhas dobras de formigón branco álzanse por enriba do altar e dos fieis ata romper contra o lucernario transversal.

Os fantásticos espazos que encerra esta construción prefabricada son un inspirador exemplo do bo uso dos materiais ao servizo dunha economia de poucos recursos. A súa aparencia industrializada encerra unha ampla diversidade de texturas e xogos luminicos, estanzas e usos medidos para agrandar a imaxinación e o silencio.

Jorn Utzon. Igrexa Bagsvaerd from edicions espontaneas on Vimeo.

ANALISE

ENTREVISTA

PLOT Bjarke Ingels. Vivendas VM e Montaña

edicions — Tue, 03 Aug 2010 10:08:22 +0000

“Historicamente o campo da arquitectura foi dominado por dous extremos opostos. Por un lado o avant-garde cheo de ideas tolas, orixinado dende a filosofía, o misticismo, a fascinación polo potencial da forma ou a súa visualización dixital. Eles actúan tan independentemente da realidade que non logran converterse en algo máis que curiosidades excéntricas. Por outro lado está o tradicional, corporacións moi ben organizadas que constrúen predicibles e aburridas caixas de edificios funcionais. Neste campo a arquitectura parece estar atrapada entre dous lados infértiles: xa sexa inxenuamente utópica ou increiblemente pragmática. Nós cremos que hai un terceiro camiño enterrado entre estes, ou un dificilmente visible sobre a delgada pero bastante fértil superposición de ambos os dous. Unha arquitectura utópica e pragmática á vez; unha que se ocupe da creación perfecta do social, económico e ambiental como un obxectivo práctico”.

Asi explica Bjarke Ingels, BIG (antes PLOT), o que entende como arquitectura, esa mezcla de experimentación formal, marketing e venda dun producto fai que actualmente sexa o arquitecto danés máis mediático, e teña a atención de calquer propaganda que exalte o visual na arquitectura fronte a outras cualidades. Nós tiñamos curiosidade por experimentar como sería habitar nalgunha das suás arquitecturas, e da visita ás vivendas que proxectou xunto con Julien de Smedt son os videos que apresentamos. Uns lugares sorprendentes pola combinación de elementos e usos, tan caros e excesivos na súa aparente construcción prefabricada, coma mínimos e inquietantes nos seus espazos interiores.

Antes de ver os vídeos da nosa visita a Copenhague en Abril podedes ver a charla de Bjarke na que explica como entende o seu traballo en arquitectura. (Para ter máis información sobre a nova arquitectura danesa visita en esta web “COPENHAGUE. Arquitectura en Orestad”).

VIVENDAS MONTAÑA

(para ver planos e información adicional preme aqui)

COPENHAGUE. Plot - Vivendas Montaña from edicions espontaneas on Vimeo.

VIVENDAS VM

(para ver planos e información adicional preme aqui)

COPENHAGUE. Plot - Vivendas VM from edicions espontaneas on Vimeo.

ENTREVISTA

Entrevista Bjarke Ingels (1) from [LIMA]Notas on Vimeo.

Entrevista Bjarke Ingels (2) from [LIMA]Notas on Vimeo.

edicions-espontaneas.com

Toni García+Yolanda Somoza arquitectos

Damoslle as grazas a Santi por ternos invitado, pola dedicación que il e os seus colaboradors poñen na organización, e polo compromiso para realizar eventos coma este, que axudan a crear opinión e intercambiar información.

O video con todalas intervencions do Pecha Kucha Ferrol, vol.5 podes velo na web de Santi González www.stgo.es.

DIALOGOS01.¿Como mellorar a capacidade investigadora?

RVR. Centro Interpretacion Arte Rupestre

Enrique Rodríguez. Centro de Saúde en Cotobade

Para obter os planos e datos do edificio premer aquí

VISITA EXTERIOR

VISITA INTERIOR

CHILE. Planificación post Terremoto

1. PRESENTACIÓN (solo voz)

2. CONTEXTO

3. AXUDA SOCIAL

4. PROPOSTAS

5. PLAN MAESTRO

6. PREGUNTAS

OPINA 7. Carlos Muñoz Parra

Xosé Allegue. CORRUPCIÓN e URBANISMO

Conferencia do arquitecto e profesor Xosé Allegue, que o pasado 15 de Marzal falounos da complexa rede que actualmente conecta a corrupción co urbanismo.

CONFERENCIA. PARTE 1

Presentación, Diagnóstico da situación e causas da corrupción.

CONFERENCIA. PARTE 2

Mecanismos de produción da corrupción, consecuencias e efectos. Estado da cuestión: breve casuística doméstica (a transformación urbana da Coruña).

CONFERENCIA. PARTE 3

Propostas e conclusións para a mellora: urbanismo social e rexeneración democrática.

SANAA. Apartamentos Okurayama

Apartamentos Okurayama. SANAAfrom edicions espontaneason Vimeo.

CASA MORIYAMA. SANAA

CASA NUN HORTO DE AMEIXEIRAS. SANNA

Jørn Utzon. Visitando Bagsvaerd

A finais de Abril visitamos a capela que Jørn Utzon construiu en 1976 en Bagsvaerd, nos videos adxuntos podedes ver un percorrido dende a saída da estación de Bagsvaerd ata a capela e os seus espazos anexos.

ANALISE

ENTREVISTA

PLOT Bjarke Ingels. Vivendas VM e Montaña

Antes de ver os vídeos da nosa visita a Copenhague en Abril podedes ver a charla de Bjarke na que explica como entende o seu traballo en arquitectura. (Para ter máis información sobre a nova arquitectura danesa visita en esta web “COPENHAGUE. Arquitectura en Orestad”).

VIVENDAS MONTAÑA

(para ver planos e información adicional preme aqui)

VIVENDAS VM

(para ver planos e información adicional preme aqui)

ENTREVISTA